صحة ورشاقة

أفضل فيتامينات للمرأة بعد الثلاثين

لما الست بتوصل لسن الـ 30 بتكون محتاجة عناصر مهمة في نظامها اليومي علشان تحافظ علي جمالها وبشرتها لأنها بتكون بدأت تفقد بعضهم بسبب الحمل أو العمل أو الولادة، علشان كده حقولك علي أفضل فيتامينات للمرأة بعد الثلاثين تابعي معايا.

أفضل فيتامينات للمرأة بعد الثلاثين

الحديد

في الطبيعي أنتي بتفقدي حوالي 15 إلى 20 ملي من الحديد وقت الدورة الشهرية، والحديد هو المسئول عن شعورك بالطاقة والحيوية، وتقدري تاخدي الحديد من اللحوم، الأسماكـ ، الخضروات زي السبانخ المعروف أنها غنية بالحديد، التفاح، الموز، أو أنك تاخدي الحديد كمكمل غذائي بس لا يزيد عن 18 ملي.

فيتامين د

لو بتحسي باكتئاب أو عندك مشاكل في العظام، ده ممكن يكون بسبب نقص فيتامين د لأنه المسئول عن امتصاص العظام للكالسيوم، تقدري تحصلي عليه من أنك تتعرض للشمس الصبح بدري أو وقت الغروب ده كفيل أنه يمد جسمك باحتياجه، أو من خلال الحبوب الدوائية، أو بتناول البقوليات، الشاي الأخضر، زيت الزيتون، زبدة الفول السوداني، الخوخ، العنب، زبدة الفول السوداني.

الكالسيوم

معظم الجميلات بيفقدن الكالسيوم في الحمل والولادة، بس انتي كمان محتاجة الكالسيوم علشان رشاقتك، وتحافظي علي عظامك من الكسور، تقدري تحصلي علي الكالسيوم من منتجات الألبان، والخضروات خاصة بالبروكلي، السبانخ، والسمسم.

فيتامين هـ

فيتامين هـ بيحتوي علي مضدات الأكسدة، وده حيأخر ظهور علامات التقدم في السن، والتجاعيد، وتقدري تحصلي عليه من مصادر طبيعية زي البرتقال، الكيوي، الشاي الأخضر، أو ممكن تسخدمي الفاكهة الموجود فيها الفيتامين كماسك لبشرتك.

فيتامين ب 9

فيتامين ب 9 معروف باسم حمض الفوليك، بيساعد علي تنشيط الدورة الدموية، وتوزيع الحديد داخل الجسم، بيساعد علي الوقاية من مشكلات فقر الدم، يعتبر من أهم الفيتامينات في فترة الحمل، ولكن زيادته خطيرة علي القلب، وتقدري تحصلي عليه من الجرجير، العدس، الفول، والسبانخ.

أسئلة وأجوبة حول أفضل فيتامينات للمرأة بعد الثلاثين

ما هو افضل فيتامين للجسم من الصيدلية للنساء؟

تقدري تشتري أي نوع من الفيتامينات ديه من الصيدلية: Vitamin A ، Adeno B6 ، Alvital شراب ، Bebe vit ، Calcium d3f ، Geriatric pharmaton، GR 6، Marvit، Maxical D شراب ، Pharovit شراب

ما هو أفضل مكمل غذائي للنساء بعد الثلاثين؟

مضادات الأكسدة، حمض الفوليك، الكالسيوم، الحديد.

ما هو أفضل فيتامين للمراه بعد الأربعين؟

يعتبر فيتامين د من أهم الفيتامينات بعد سن الأربعين للوقاية من هشاشة العظام، أمراض القلب، سرطان الثدي.

قد يعجبك أيضا

آلاء بربر

مديرة موقع جميلات، أؤمن بأن لكل امرأة جمالها وسحرها الخاص وعليها أن تبحث عنه وتظهره لتكون فاتنة بطريقتها الخاصة، عليكي أن تكوني سيدة بالمعني الحقيقي للكلمة، فقوتك الأساسية تكمن في أنوثتك، عليكي أن تكوني أفضل من نفسك فقط باستمرار، متجددة وطموحة، أعشق الموضة وكل ما يتعلق بالجمال، أعمل منذ 2012 في مجال الكتابة،عملت كمديرة تحرير موقع الشرقية توداي لمدة أكثر من 7 سنوات، وكاتبة محتوي في موقع كل يوم معلومة طبية لمدة عام.
زر الذهاب إلى الأعلى