طريقة تنسيق حقائب الخصر مع ملابسك ..أكثر من 50 موديل

في أوائل التسعينات ظهرت شنط الوسط وكانت وقتها للأطفال بس، ولو انتي طفلة كنتي بتحبي الموضة فأكيد كان عندك واحدة من الشنط ديه لأنها كانت مشهورة، أنا فاكرة شكل شطنتي ديه كويس لأنها كانت علي شكل ميكي، الموضة ديه اختفت وبدأت تظهر في أواخر 2019، حقائب الخصر من أهم القطع اللي لازم تكون موجودة عندك، النهاردة حقولك طريقة تنسيق حقائب الخصر مع ملابسك.

الشنط بصفة عامة من أهم القطع اللي لازم تهتمي بيها لأنها بتفرق فشكلك، وبلاش تشتري اي شنطة وخلاص، اهتمي باللون وخامة الشنطة كأنها استثمار لأنك حتقدري وقتها تلبسيها علي لبس كتير، ممكن تشتري بس طول السنة شنطة أو اتنين حتي لو كانوا غاليين بس المهم يكونوا مميزين.

طريقة تنسيق حقائب الخصر مع ملابسك

شنط الخصر من القطع المميزة، لأنك تقدري تنسيقها مع كل اللبس بأشكال مختلفة، حتلاقي منها أحجام وتصاميم مختلفة أكيد حتكون مناسبة لذوقك، لو لسه مترددة أنك تشتري واحدة، فجمعت ليكي أكتر من 50 موديل مختلف اختاري منهم المناسب، وحاستني رأيك.