مافيش ست بتحب تظهر أنها كبرت في السن، أو أن علامات الشيخوخة تبدأ تظهر علي وشها، بالعكس احنا كستات طول الوقت بنحارب أي مشكلة ممكن تأثر علي مظهر شباب بشرتنا، النهاردة أنا جاية أقولك فوائد جهاز الهايفو للوجه لشد البشرة.
محتوي المقال
اظهار
ما هي تقنية جهاز الهايفو للوجه؟
بيستخدم جهاز الهايفو طاقة الموجات الفوق صوتية علشان يوصل لطبقات الجلد أسفل سطح البشرة بشكل مباشر، وده بيسبب تسخين خلايا الأنسجة بسرعة، وبمجرد ما توصل لدرجة حرارة معينة بتتعرض الخلايا للتلف، الضرر ده بيحفز الخلايا على إنتاج المزيد من الكولاجين، وده بيخلي البشرة مشدودة، وبيقلل من ظهور التجاعيد.
فوائد جهاز الهايفو للوجه
- تقدري توصلي لأفضل النتائج من جلسة واحدة بتكون مدتها من 30 إلى 45 دقيقة، لأن تفنية الهايفو بتستخدم التصوير بالموجات الفوق صوتية وده بيخليها توصل للأنسجة بشكل دقيق، ونتائج الجلسة بتستمر علي مدار 3 إلى 6 شهور.
- تعتبر بديل لشد الوجه بالجراحة، لأن الهايفو بيستهدف طبقات الجلد العميقة، لو أي جميلة عندها ما يمنع عمل جراحة لشد الوجه، تقنية الهايفو حتكون الحل الأمثل.
- آمنة لأنها غير جراحية من غير أي مشرط، حتقدري تكملي شغلك ونشاطك الطبيعي بعدها بشكل مباشر.
- تقنية الهايفو بتخلي شد الوجه يكون بشكل طبيعي، لأنها بتأثر علي طبقات الجلد العميقة، وده بيخلي فيه زيادة في إنتاج الكولاجين لشد الجلد، ونضارة البشرة.
أسئلة وأجوبة حول فوائد جهاز الهايفو للوجه
ما هي فائدة جهاز الهايفو للسيلوليت؟
جهاز الهايفو من الطرق المستخدمة لتخفيف أثار السيلوليت المزعجة عند الجميلات، بيختلف عدد الجلسات حسب كل حالة، بس بتقنية الهايفو حتقدري توصلي لجلد ناعم ومشدود سواء في البطن، الذراعين، المؤخرة، الصدر، الرقبة، أو الفخذين.
ما هي فوائد جهاز الهايفو لشد المهبل؟
تقوم تقنية الهايفو بشد المهبل بشكل مركز في المناطق الموجود بها الأنسجة الضامة، والطبقة العضلية مما يزيد من إنتاج الكولاجين المسئول علي شد المهبل، وتقدر الجميلات العودة للمنزل بشكل طبيعي وممارسة نشاطها اليومية.
ما هي اضرار جهاز الهايفو لشد الوجه؟
ممكن تؤدي تقنية الهايفو إلي احمرار أو تورم أو كدمات خفيفة في البشرة، بس حتختفي بسرعة، ممكن تحسي بحكة بسيطة لمدة يومين، أو بعض الآلام في الوجه والعنق، لو في بشرتك فيها حبوب شباب فلازم تعالجي الحبوب الأول قبل استخدام الهايفو.
