حضرت سندريلا الجونة ياسمين أبو النجا ابنة الفنانة نجلاء فتحي مع زوجها خضر محمد خضر مهرجان الجونة السينمائي في دورته الرابعة، وتألقت إطلالة رائعة رائعة بفستان أخضر مع تسريحة شعر رقيقة وحذاء وشنطة باللون البيج، وكالعادة التقط لهما المصورين صورة كباقي الفنانين والفنانات والكابلز الموجودين في المهرجان صورة على السجادة الحمراء.
لكن حدث ما لا يتوقعه أحد فبمجرد أن نشر خضر محمد خضر صورتهما على حسابه على الفيس بوك التي يحمل فيها حذاؤها أصبحت تريند السوشيال ميديا وحديث الجميع عن مدى حبه واهتمامه بها.
ولهذا قام خضر محمد خضر بتوضيح تفاصيل الصور التي يحمل فيها حذاؤها في بوست على حسابه الشخصي على الفيس بوك وقال عندي بس تعليقين صغيرين عايز أقولهم لمن يهمه الأمر:
“بالنسبة للصورة بتاعتي أنا ومراتي، الصورة ديه اتاخدت واحنا مروحين الساعة 1.30 صباحاً من حفل الافتتاح (مش وإحنا داخلين حفل الافتتاح) أكيد مش هدخل حفلة شايل جزمة مراتي وماشي! .. إحنا الدعوات بتاعتنا دعوات VIP مش دعوات مشاهير، فا ده أصلًا ما بيدخلناش على السجادة الحمراء مع الفنانين، ده بيدخلنا من باب تاني جنبه، ما فيهوش كاميرات، كل ما هناك ان بعد 6 ساعات من الحفل، واحنا خارجين باب الخروج كان زحمة وكل الناس خارجه منه، (فنانين وغير فنانين ومصورين وكاميرات فيديو)”
وقال أيضاً “ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح.. فا قلعت الجزمة! فا من الطبيعي ومن الرجولة ومن الأدب إن أنا اللي أنزل اجيب الجزمة (مش هخلي مراتي توطي وسط الناس أكيد) وديه لا حاجة تعيبني ولا تقلل مني.. واحدة شايلة بيتي على راسها 15 سنة، مش هاشيل جزمتها 15 دقيقة؟”
واستكمل حديثه “المهم ضربت بعيني لقيت ممر السجادة الحمرا مفتوح وفاضي قولت لها ياللا نخرج من هنا أسرع، ولقينا المصور العزيز محمد حامد، بيطلب مننا صورة فا وقفنا 3 ثواني بالظبط.. ابتسمنا واخدنا الصورة وخلعنا.. والراجل تفضل مشكورًا وبعت لي الصورة على الفيسبوك وبصراحة الصورة لذيذة.. ولما حطيتها عندي على الوول لقيتها بيتعمل لها شير روحت قافلها “للأصدقاء فقط” بس كده”
والحقيقة إنه تصرف جنتل جداً منه لياسمين مراته وأكيد كل الستات بتتعب من الكعب العالي وتتمنى أن زوجها يتصرف معها نفس تصرف خضر مع زوجته لتشعر بمدى حبه لها وخوفه على راحتها وتخفيف الألم عنها.
اقرئي أيضاً: إطلالات جميلات مهرجان الجونة السينمائي 2020
