العناية بالبشرة

طريقة استعمال زيت الحشيش للوجه

في العادي أول ما بنسمع كلمة حشيش يجي علي بالنا كل صور الإدمان ونفتكر أنه حاجة وحشة لازم كلنا نبعد عنها، بس فجأة ظهر زيت الحشيش وبقي ترند وكل الجميلات بتسأل وبتدور عليه، تعالي النهاردة حقولك ايه استعمال زيت الحشيش للوجه.

ما هو زيت الحشيش؟

زيت الحشيش هو زيت عطري رئحته مميزة، لونه أخضر مائل للون الأسود، بيتم استخراجه من نبات اسمه القنب والنبات ده بيستخرج منه الحشيش.

دلوقتي طبعا جه علي بالك سؤال مهم، هو زيت الحشيش يعتبر إدمان؟ حقولك لا لأن الزيت بيستخرج من أجزاء من النبات لا يوجد بها نسب عالية من المخدر المسئول عن الإدمان، النسبة في الزيت لا تتعدي 0.2%.

طريقة استخراج زيت الحشيش بتكون من طحن أوراق وزهور النبات جيداً، وبيتم إضافة بعض المواد عليه زي الكحول أو زيت جوز الهند لتخفيف الزيت أو إذابته.

فوائد استعمال زيت الحشيش للوجه

  • بيساعد زيت الحشيش علي علاج مشكلة حب الشباب.
  • زيت الحشيش فيه عناصر مرطبة للبشرة علشان كده بينشط تجديد الخلايا علشان تكون بشرتك أكثر صحة ونضارة.
  • لما بتحطي زيت الحشيش علي البشرة بيقلل من ظهور علامات التقدم في السن.
  • يخفف من الالتهابات الجلدية لأنه بيحتوي علي مضادات أكسدة قوية، وفي نفسه الوقت حيحفز من ظهور خلايا جديدة للبشرة.
  • تقدري تستخدمي زيت الحشيش كمرطب مناسب لكل أنواع البشرة، كما بيساعد علي توزان افراز الدهون في البشرة الدهنية.

طريقة استعمال زيت الحشيش للوجه

عايزة اقولك أن أفضل طريقة لاستعمال زيت الحشيش، هو أنك تحطيه علي بشرتك مباشرة، بس لازم تعملي اختبار الحساسية الأول حطي كام نقطة علي ذراعك وغطيها بشاش طبيعي لمدة يوم علشان تتأكدي أنه مناسب لبشرتك، لو حصل احمرار او تهيج في البشرة، يبقي تعرفي علي طول انه غير مناسب، واغسلي بشرتك بالصابون لإزالة أي آثار.

أسئلة وأجوبة حول استعمال زيت الحشيش للوجه


ما هي طريقة استخدام زيت الحشيش؟

رجي زجاجة زيت الحشيش جيدًا ثم ضعي كميات من الزيت مناسبة لبشرتك أو لطول شعرك حسب استخدامك، في حالة وضعه علي الشعر اختاري كمية مناسبة لترطبيه بالكامل ثم دلكي فروة الرأس لتنشيط الدورة الدموية.

ما هي فوائد زيت الحشيش للشعر؟

يعمل زيت الحشيش علي تعذية الشعر لأنه يحتوي علي العديد من البروتينات والفيتامينات اللازمة لنمو الشعر بشكل أفضل، الانتظام علي وضعه حيحقق ليكي نتائج مبهرة في زيادة طول الشعر ولمعانه.

ما هي طريقة معرفة زيت الحشيش الاصلي؟

هناك عدة علامات لمعرفة زيت الحشيش الأصلي منها أن لونه أخضر غامق يميل إلى الأسود، يتجمد الزيت الأصلي في الشتاء لأنه ثقيل وسميك فالقوام يشبه العسل، رئحته تسبه الأعشاب، عند شرائه تأكد من وجود تاريخ الصلاحية، بلد المنشأ.
قد يعجبك أيضا

آلاء بربر

مديرة موقع جميلات، أؤمن بأن لكل امرأة جمالها وسحرها الخاص وعليها أن تبحث عنه وتظهره لتكون فاتنة بطريقتها الخاصة، عليكي أن تكوني سيدة بالمعني الحقيقي للكلمة، فقوتك الأساسية تكمن في أنوثتك، عليكي أن تكوني أفضل من نفسك فقط باستمرار، متجددة وطموحة، أعشق الموضة وكل ما يتعلق بالجمال، أعمل منذ 2012 في مجال الكتابة،عملت كمديرة تحرير موقع الشرقية توداي لمدة أكثر من 7 سنوات، وكاتبة محتوي في موقع كل يوم معلومة طبية لمدة عام.

مقالات ذات صلة

زر الذهاب إلى الأعلى