الأهتمام بجمال بشرة القدمين لا يقل عن الاهتمام بجمال الأيد، لأن جمال القدمين بيعكس اهتمام الجميلات بأنوثتهم.
في فصل الشتاء العناية بالقدمين لازم تكون في روتينك اليومي علشان تتجنبي مشاكل كتيرة زي تشقق القدمين والخشونة، علشان تحافظي علي نعومة وجمال القدمين حنقولك أفضل طرق للعناية ببشرة القدمين في الشتاء.
طرق العناية ببشرة القدمين في الشتاء
حمام الماء الدافئ
خليني أقولك أن أول خطوة في العناية بالقدمين هي حمام الماء الدافئ، انقعي القدمين كل يوم لمدة 25 دقائق علي الأقل بعد ما تخلصي يومك الطويل، حيساعد علي حماية الجلد من التشققات، يزيد من تدفق الدم داخل القدمين وحيخلصك من فطريات القدمين.
الحجر الطبي
يعد الحجر الطبي من أهم الأدوات الأساسية التي تحتفظ به أي امرأة للعناية بقدميها؛ فهو يساعد على تدليك الأقدام للتخلص من الجلد الميت والحفاظ على نعومة الأقدام، استخدميه مرتين على الأقل خلال الأسبوع للوقاية من خشونة الكعبين وتشققات القدمين.
تقشير الجلد
تعتبر خطوة التقشير من أهم خطوات العناية لأنها تساعد علي التخلص من الجلد الميت والأوساخ الموجودة في البشرة.
تقدري تستخدمي أي مقشر جاهز من أي علامة تجارية أو ممكن تعملي مقشر في البيت عن طريق خلط سكر مع زيت زيتون.
ممكن تخلي المقشر لمدة 5 دقايق علي البشرة مع لف القدمين باسترتش بلاستيك، الخطوة ديه بتفرق جدا في النعومة، ومعظم صالونات التجميل بتعملها في البديكير.
الترطيب
الترطيب خطوة أساسية لكل البشرة خاصة في فصل الشتاء، استخدمي كريم مخصص للقدمين يكون غني بتركيبة مغذية لبشرة القدمين من 3 إلي 4 مرات في اليوم، أو ممكن تستخدمي زيوت طبيعية للترطيب زي زيت جوز الهند الطبيعي للحصول علي أفضل نعومة.
شرب الماء
الترطيب بيبدأ من الداخل، علشان كده اهتمي بشرب الماء خلال اليوم كله في فضل الشتاء علشان تحمي بشرتك من الجفاف والتشققات.
الشربات القطن
لازم تهتمي بالقدمين حتي وانتي نايمة، بعد ما تخلصي الحمام الدافئ، التقشير، الترطيب، ارتدي الشربات القطن أو الصوف الطبيعي علشان تحمي جلد القدمين من الطقس البارد لأنه بيؤدي إلى الجفاف وتشقق الجلد.
أسئلة وأجوبة حول العناية ببشرة القدمين في الشتاء
ما هي أفضل طرق اخراج البرد من القدمين؟
ما هي أسباب برودة القدمين عند النساء؟
ما هو أفضل علاج لبرودة القدمين بالاعشاب؟
