موضة

7 نصائح هامة عند شراء البنطلون الجينز

في البداية لازم تعرفي أن في قطع أساسية لازم تكون في دولابك، ومهم أنك تختاري القطع ديه بعناية شديدة لأنها حتكون مناسبة لقطع ملابس تانية وده حيسهل عليكي اختيار لابسك اليومي، وعلي رأس القطع بنطلون الجينز لأنك تقدري تلبسيه مع بلوزرات وتيشرتات بألوان مختلفة، النهاردة حقولك علي نصائح هامة عند شراء البنطلون الجينز .

نصائح هامة عند شراء البنطلون الجينز

  • أول نصحية ابعدي عن الجينز الخفيف لأنه أقل جودة وبالتالي حيكون مزعج ليكي بعد وقت قليل ولازمي وقتها تشتري بنطلون جديد، علشان كده من البداية اختاري جينز ثقيل لأنه بينعم بعد الغسيل وبيكون أكثر مرونة، لو عايزة تتأكدي من جودة البنطلون عند تجربته لأول مرة انحني علي الأرض في وضعية القرفصاء لمدة دقيقة وعندما تقفين حتشوفي لو احتفط بشكله أو اتمدد بسبب حركته.
  • اختاري بشكل عام الدرجات الداكنة لأنها بتظهر الجسم أنه أكثر نحافة، وخلي الدرجات الفاتحة للبنطلونات الجينز الواسعة، وممكن تجمعي بين الاتنين باختيار بنطلون جينز لون داكن وفيه أجزاء باهتة في المنطقة الأمامية من الفخذ حيخليكي أكثر نحافة.
  • ركزي مع خياطة البنطلون أنها تكون متينة، دائما يقولك أن التفاصيل الداخلية هي مقياس جودة الخياطة علشان كده انتبهي لجودة الخيط علي الحواف والجيوب.
  • ابعدي عن البنطلونات ذات الخصر المنخفض لأنها غير مناسبة لكل الجميلات خاصة لو انتي من قصيرات القامة، خبراء الموضة بينصحوا باختيار بنطلونات الجينز ذات الخصر المتوسط لأنها بتخلي مظهر الساقين أكثر طولًا والخصر أكثر نخافة.
  • اتأكد ان البنطلون مقياسك بالضبط، لو كنتي تقدري تلبسيه وتخلعيه بسهولة يبقي المقياس كبير عليكي، ولو كان بصعوبة كبيرة يبقي المقياس ضيق.
  • اتأكدي ان حزام الخصر محكم بإنك تضعي إصبعين أسفل ظهرك داخل الحزام، لو كان يتسع أكتر من اتنين يبقي البنطلون واسع، وإذا كان يتسع لإصبع واحد أو لم يتسع لأي إصبع ده معناه أنه ضيق.
  • اختار بنطلون الجيوب الخلفية له كبيرة، لأن في حالة أن الجيوب صغيرة حتكون المسافة بينهم واسعة وده حيظهر مؤخرة الجسم بحجم أكبر، علشان كده خلي بالك أن الجيوب تكون كبيرة لو كان جسم ممتلئ، الجينز الاختيار الأمثل مع البلوزات الصيفي.

أسئلة وأجوبة حول نصائح هامة عند شراء البنطلون الجينز

ما هي أفضل محلات لبيع الجينز؟

calvin klein ،H&M، True Religion

ما هي أفضل متاجر لشراء بنطلون الـ Mom jeans ؟

American Eagle ،Topshop، Urban Outfitters، Levi’s، Mango

ما هو أفضل استيل بنطلون جينز لجسم الكمثري؟

اختاري البنطلون الواسع لإخفاء الأرداف، أو موديل الشارلستون، ولو عايزة تلبسي بنطلون ضيق لازم يكون مع الملابس الواسعة في الجزء العلوي من الجسم.

قد يعجبك أيضا

آلاء بربر

مديرة موقع جميلات، أؤمن بأن لكل امرأة جمالها وسحرها الخاص وعليها أن تبحث عنه وتظهره لتكون فاتنة بطريقتها الخاصة، عليكي أن تكوني سيدة بالمعني الحقيقي للكلمة، فقوتك الأساسية تكمن في أنوثتك، عليكي أن تكوني أفضل من نفسك فقط باستمرار، متجددة وطموحة، أعشق الموضة وكل ما يتعلق بالجمال، أعمل منذ 2012 في مجال الكتابة،عملت كمديرة تحرير موقع الشرقية توداي لمدة أكثر من 7 سنوات، وكاتبة محتوي في موقع كل يوم معلومة طبية لمدة عام.

مقالات ذات صلة

زر الذهاب إلى الأعلى