الحجاب بيحمي الشعر من عوامل مضرة كتيرة منها أشعة الشمس والأتربة، وغيرها من العوامل الخارجية، بس في كتير من الجميلات بتهمل شعرها مع الحجاب، النهاردة حقولك 5 نصائح للحفاظ على شعرك تحت الحجاب
نصائح للحفاظ على شعرك تحت الحجاب
قماش الحجاب
اختاري قماش الحجاب من الأقمشة الطبيعي زي القطن، الحرير، الكتان علشان تخلي شعرك يتنفس لأنها ناعمة، وده حيخلي الهواء يدخل فروة الشعر بسهولة، أو ممكن تشتري بندانة قطن تحت أي حجاب موجود عندك، علشان تحمي شعرك من الاحتكاك بشكل مباشر مع الأقمشة الصناعية المضرة للشعر.
الشعر جاف
لو أنتي متعودة تاخدي شاور قبل ما تنزلي، بلاش تلبسي الحجاب علي شعر مبلول لأن ده بيزيد من فرص ظهور القشرة ، وكمان حيكون ريحته كريهة.
طريقة لف الشعر
قبل ما تلبسي الحجاب سرحي شعرك، بلاش تشدي جذور شعرك تحت الحجاب لأنه بيؤدي إلى تساقط الشعر خاصة في المقدمة، ونصحيتي ليكي انتي تقصي القصة الأمامية وترفعيها من غير شد، وبعد خلع الحجاب سرحي شعرك تاني علشان خصلات الشعر تكون مفرودة وسهل تسريحها.
التعرض لأشعة الشمس
من المعروف أن الشمس بتساعد الجسم على إفراز فيتامين D، وده حيحفز بصيلات الشعر علي النمو، حاولي تتعرضي لأشعة الشمس بشكل يومي لمدة لا تقل عن 30 دقيقة.
منتجات مناسبة لنوع شعرك
في شركات أنتجت شامبو، بلسم خاص للمحجبات علشان تخلص الشعر من كل الأتربة والزيوت ليعود شعرك لحيويته، اختاري ماسكات أو حمامات كريم مناسبة لنوع شعرك سواء دهني أو جاف قبل الاستحمام لتكون كمرطب لشعرك.
أسئلة وأجوبة حول كيفية الحفاظ على شعرك تحت الحجاب
ما هي طريقة ربط الشعر الصحيحة؟
ما هي أضرار تغطية الشعر؟
كيف أحافظ علي شعري تحت الحجاب؟
