موضة

دليلك الشامل لـ افضل حمالة صدر مناسبة لمقاس صدرك

تحتار البنات والستات في اختيار حمالة الصدر المناسبة لشكل وحجم الصدر لأن اختيار البرا المناسبة ليها دور كبير في مظهرك الخارجي وثقتك بنفسك، ولأن في ماركات كتير من البراهات وبتختلف الأشكال والمقاسات من ماركة للتانية، ولأن موقع جميلات يهمه راحتك وجمالك ففي الخطوات الجاية هنساعدك إزاي تختاري افضل حمالة صدر مناسبة لمقاس صدرك وحجمه.

خطوات اختيار افضل حمالة صدر مناسبة لمقاس صدرك

  • أول حاجة لازم تقيسي دوران صدرك باستخدام شريط القياس واكتبي قياساتك، بعد كده قومي بقياس الحزام السفلي من البرا والمنطقة الأمامية منه، فمثلاً لو كانت قياساتك الأولى هي 34 وقياساتك التانية هي 37 اطرحي القياسات من بعض وهيطلعلك مقاس الحمالة المناسب:
  • 0 = AA
  • 1 = A
  • 2 = B
  • 3 = C
  • 4 = D
  • 5 = DD
  • 6 = DDD

اقرئي أيضاً: 6 أضرار سببها ارتداء حمالة الصدر غير المناسبة

  • لازم تجربي البرا في غرفة قياس الملابس واختاري المقاس المناسب اللي بيريح صدرك ويرفعه من غير ما تحسي بأي وجع.
  • أوعي تختاري مقاس برا أصغر من مقاسك وتكوني فاكرة إن كده هتصغري حجم صدرك بالعكس شكل الصدر هيكون غريب وهيسببلك وجع ومشاكل تانية كتير.
  • لو صدرك كبير ابعدي عن البرا البوش اب واللي فيها دانتيل وشغل كتير عشان متكبرش صدرك أكتر واختاري السادة عشان شكل صدرك يكون مظبوط.
  • مهم كمان وأنتِ بتختاري البرا تختاري أكتر واحدة بتضم صدرك بشكل متناسق ومريح.
  • لازم تختاري حمالة الصدر من ماركة معروفة وخامتها تكون قطن وناعمة عشان ميحصلش التهابات.
  • لو صدرك صغير اختاري البرا البوش اب عشان ترفع صدرك وشكله يكون أكبر.
  • لازم حمالة الصدر تكون ثابتة في مكانها لأنها لو بتتحرك معنى كده إن المقاس غلط.
  • أهم حاجة وأنتِ بتقيسي البرا في غرفة قياس الملابس أنك تختاري اللي على مقاسك بالظبط وتكون بتغطي صدرك كله.
  • اختاري كمان حمالات صدر بألوان مختلفة عشان تناسب هدومك، فمثلاً تختاري اللون الأبيض أو البيج للملابس الفاتحة عشان ميظهرش لون البرا من تحت الهدوم.

اقرئي أيضاً: طرق ترتيب البرا في دولابك

ودلوقتي بعد ما عرفتي خطوات اختيار حمالة الصدر مهم كمان تعرفي إن البرا مع الوقت بيتغير شكلها عشان كده لازم تغيريها كل 6 شهور عشان صدرك يفضل مشدود وجميل، ولازم كمان تريحي صدرك من البرا وتقلعيه وأنتِ نايمة، ولازم كمان تعرفي إنك قمر في كل حالاتك وإن لكل جسم جماله وإن البرا المناسبة لشكل جسمك أهم حاجة لأن شكلك هيكون متناسق أحسن ما تختاري مقاس مش مناسب عشان تكبري أو تصغري صدرك وشكلك يكون غريب.

أسئلة وأجوبة حول أفضل حمالة صدر مناسبة لمقاس صدرك

إزاي أعرف مقاس البرا المناسب؟

تقدري تعرفي مقاس البرا المناسب لما يكون مظبوط ومغطي الصدر كله ومريح في اللبس ولا يكون ضيق ولا واسع، وميكونش في أي وجع وأنتِ لابساه.

إيه هي أفضل حمالات للصدر؟

أفضل حمالات الصدر هي الحمالة القطنية لأنها بتحمي من الالتهابات، ولازم كمان تكون ماركة معروفة عشان تحمي صدرك من أي ضرر.

إيه هي مقاسات البرا؟

مقاسات الكب بتكون بالحروف الإنجليزي A, B, C, D, DD فمثلا حرف A هو الأصغر، أما الدوران بتكون مقاساته 34,36,38 ,40 وهكذا.
قد يعجبك أيضا

سناء علاء

كاتبة ومحررة محتوى منذ أربع سنوات، لدي خبرة في مجال الكتابة والتدقيق الإملائي، شاركت في العديد من الأنشطة المتعلقة بالمرأة، وأعشق الموضة بكل تفاصيلها ومن خلال انضمامي لموقع جميلات أتطلع لأن تتمتع كل امرأة بجمالها وأناقتها من خلال تقديم كافة الموضوعات المختلفة المفيدة لهن.

مقالات ذات صلة

زر الذهاب إلى الأعلى